ليه... ؟
ليه لما بكون مدفي  في حضنك؟
بتصحيني
 في نص الليل!
وألقى كابوس البعد واخدني. ..
وألقى.. همومي
 طفحها الكيل.
ليه اشباح الظلم ياناعسه
خدوني..
 وسط النار
والهم رموني
وسلبوا
مني حلمي الغالي
وأنا ايه اعمل.. ؟
يم الخير..
ليه ؟
لما بكون في ربوعك
ماشي..
والمح عيل
 من أولادك
لسه بيشكي
ولا بيبكي..
القي الناس
حواليه سهتانه..
 ولا دريانه
بحال الدنيا
من كتر الويل...
طب جاوبيني؟
أو رسيني..!
الله يخليكي
واوعي تسيبي
 الهم وتجري...!
لحسن يحرق
 شجر النيل
اصل ياناعسه
الهم كابوس
بيصحينا
في نصف الليل

شعر /جمال الواصلي