الجوهري عبدالله
لقا الاحبه..
يارايحين للنبى
يازائرين البيت
شوقى سبق موكبى
بروحى معاكو حجيت
يارب لجل النبى
اكتبهالى والنبى
ماحيلتى غير شوقى
يوصلنى بالاحباب
نفسى ازور النبى
واقبل الاعتاب
فى حضرة المحبوب
لاخل..ولا أصحاب
يارب لجل النبى
اكتبهالى والنبى
انا ف انتظار الندا
لساحة العشاق
عطر جبينى الندى
بالحب والاشواق
حبيبى ساكن هنا
وانا للنبى مشتاق
يارب لجل النبى
اكتبهالى والنبى
يجعل يارب زيارتك
المسك..والعنبر
لأرض فيها الشوك
لجل النبى زهر
وطلة نبينا الزين
علينا..بتنور
بدر فى ليلة قدر
سبحان من صور
يارب يشملنا ضياها
وبريحها نتعطر
يارب لجل النبى
اكتبهالى والنبى
جوهريات
ليست هناك تعليقات:
إرسال تعليق