جاي النهاردا تعتب عليه
وأنا ال ياما نصحتك كتير
كنت فاكرك حد ناضج
بتاخد بنصيحة الكبير
للأسف ركبت راسك
وقلت وسع عايز أطير
لا عمرك ف يوم رضيت ببختك
ولا عمرك ف يوم عملت خير
ديما عايز ورامي نفسك
في اي حاجة
لاغي فكرك عايش أسير
نسيت اساسك
وكل ناسك
وخلعت توبك الفقير
الفقر عمرة ماكان جريمة
مين فينا اتولد لابس حرير
الكل أتولد عريان ياوغد
من الصغير للكبير
والكل عارف نهايته وتمامه
قبر ضلمه ويوم نشور
جاي النهاردا تبكي بحرقة
مين اللي سمعك داخل القبور
ياحسرة عليهم
بقوا عضام بقوا رفات بقوا رميم
كنت ديما ابوس دماغك
لاجل تبقا لهم رحيم
وتشيل مداسهم فوق دماغك
طول الحياة لتعيش ف نور
بكاك النهاردا ما منه فايدة
ارجع ماكنت اتزاح وغور
وال عملته فيهم بظلمك
كاس وداير مهما عشت
داخل قصور
لازم تشرب من مرارة
وتبكي لوحدك زيي الحقير
ماتوا الحبايب ودي حقيقة
وأحتكمت خلاص كل الأمور
الموت يامارق خلف منك
منين تدور ومنين تحور
شاهدت بعينك كل الغوالي
ماتوا بجد عبر العصور
وبأيدنا دفنا كل ظالم
ودفنا ال عاش حياته مقهور ..
قبر واحد لم رفاتهم
وف انتظار ال عليه الدور
ياسلام يادنيا طلعتي كدبه
بس كدبه كل العصور ...........
بقلمي /^/^ / جمال حلمي
قصيدة عامية ( من أرض الواقع )
......................................................
ليست هناك تعليقات:
إرسال تعليق