سامح توكل يكتب ...

إحنا مين
====
إحنا الوهن ويا الغثاء متشتتين

إحنا معدومى الكرامه متهانين

من كفوف الظلم طايحه بالأنين

إللى ياكل وإللى ينهب بالسنين

وإللى يسرق فيها قوت المحرومين

وإللى عاش العمر مقطوع الإيدين

الأمانه فينا ضايعه قوللى فين

فى ضمير أصبح خراب وغرابه بين

وفى نفاق مترتبه أضلاعه زين

إمتى نخرج من سياج المظلومين

إمتى تتخضر خطانا ياسمين

إمتى نزرع حلمنا فوق الجبين

نور ونار تحرق قلوب الظالمين

بكره شمس الحق تسطع بالحنين
=====
بقلمى سامح توكل أبوالسبح