مصطفى القندوسي يكتب .....

اكسرتي يا الشابعة
ارماد
انفخت اعييت انسوط
وابقيت خيمة بلا
اوتاد
الدخان اعماني
يا حياني على قلة لعواد
تزهر لعوافي
انطيب خبزي
ايشبعو لولاد
مهمومة والهم اخلاني
شحب وجهي
وقدي مابغا يتقاد
شاب راسي يا لعباد
بلاوقت اشرفت
قلبي اتفركع يا يا ما تنهاد
جعنا وبالجوع اسعيت لعباد
نطلب فوق هيدورة
على افقايس القوم المغدورة
شي فلبرارك وشي ساكن لقصورة
شي فالقبة امربع وش يبكي عالقبورة
كسرتي يالكسرة العامرة ارماد
امتى انفضك
تصفاي ابحال خبز السياد
اتخرجي من الركعة
انتفخي وتتجمري ففرارن  الذهب
وتتبردي فمياه لبحورة
ونبدل كشكاشي بجمرك يامعدن
اكلاوك النسورا

الرماد اعماني    كلمات مصطفى القندوسي