عبد الحميد سالم يكتب .....

.( أيام زمان  )  م/عبالحميد سالم
-------------------
 بيسأل فاكر الحارة ومصطبتنا
وصحابك وولاد الجيران
طبعا فاكر كل حاجة
مين ينسى أيام زمان
من كورة شراب ف الحوارى
والواد  المتخصص كبارى
وطبعا كان الكل حافى
وجارتنا تطلع ترش مية
من دوشتنا مش عارفة تنام
ونلعب لحد م نسمع  ادان
******
فاكر استغماية وسلطح
واللعب ف القمراية يفرح
وندور على بعض ف كل مطرح
ونستخبى خلف البيبان
وبالليل تحكيلنا ستنا
حكاوى  الشاطر حسن
 وامنا الغولة عشان ننام
حواديت مر عليها الزمان 
******

محلاها أيام  المدارس
كان مستحيل حد يغيب
وكان الأستاذ لينا فارس
والدروس كات عنده عيب
ولما ف الصيف تيجى الأجازة
م النجمة نطلع ع الغيطان
****
فاكر الحارة  أيام  رمضان
وتلاوة رفعت قبل الاذان
ولا فوازير الف ليلة وليلة
وشهر زاد مع شهر يار
والفانوس ابو شمعة داير
ورا طبلة سحور بتصحى الكبار
فاكر  ايه بس ولا إيه
دا  ماضى بنتحسر عليه
كانت البساطة ف كل شيئ
ولما كبرنا تاه منا الطريق
مهو كل وقت وله أدان
فالله يرحم أيام زمان