بقلم .....أحمد سليم

وانتهت الحكاية
مابين هواك وهوايا
وانتهى كل اللي بينا
ومابقتشي  معايا

قد ايه الدنيا ظالمة
قد ايه جارحة السنين
بتفرق أحلى لمة
بين قلوب العاشقين

فاكر قد ايه
كان الحب مالينا
وكنا حاسين بإيه
لما نشبك ايدنا
دلوقتي لو اتقابلنا
نبكي ع اللي جرالنا
ومن غدر الدنيا ديا
لما جات علينا

قد ايه الدنيا ظالمة
قد ايه جارحة السنين
بتفرق اي لمة
لقلوب العاشقين

ياحبيبي ياللي صورتك
مرسومة جوا قلبي
ومهما السنين تعدي
مش بتفارق خيالي
اكتم شوقي واخبي
الحزن جوا مني
وافضل لحالي ابكي
على حب عمر غالي

احمد سليم