الشاعر محمد الجوجري يكتب ....

عنوانى ...... كلمات / م . محمد الجوجرى

العنوان مش شارع وميدان
عنوانى هو مكانى
أنا مليش عنوان
ملامحى فيها بيانى
بيقولوا الجواب عنوان
الإنسانية هى كيانى
الخير هو الحب الجوانى
عنوانى هو خلانى
هو تاريخى وزمانى
العنوان مكتوب على ورقه
عنوانى أفراحى وأحزانى
كل بلاد الدنيا عنوانى
من دمياط لغاية أسوان
مش بس اسكندرانى
مكتوب جوه الإنسان
إحلامى جواها عنوانى
فوق رمل الشطآن
 فوق البسمة والأحزان
ملابسى هى عنوانى
أصل المظهر عنوان
مالآخر مليش عنوان
عنوانى صفحة فى كتاب
فى قصيدة مالهاش عنوان
فى دمعة طفل زعلان
فى عرق راجل شقيان
جوه ألم مريض تعبان
أو طفل شوارع عريان
أو أكله فى مطعم كحيان
أنا قلت مليش عنوان