تتسنط .... بقلم الشاعر عارف شلش الساعدي

(تتسنط )

شعر عارف شلش الساعدي

تتسنط حچي ولك  دفهم
اشراح انگول

والغيرك كلامي وقصدي يمك

اگول امواعد  اني
وامتاني لوجيت

گلي بالله رحت اشلون اكلمك

احچي وبالمقابل
اعني اعليك

وعن بعد اباشاره  گلت افهمك

خل ايروح مني
ويمشي لبعيد

تعال اوياي الف رحمه اعلى عمك

اخذ ايدك من
الوادم اتشوف

انطب بستان خلوه وارد اظمك

واحطك عالصدر
وتنام ترتاح

واسدل شعرك اوبالخد اشمك

واشبع شوف منك
عيني يهواي

وازيل اهمومي او يحبيبي  همك

وفرصه من العمر
تتبعني الي اوجيت

وچنت مشتاقلك بس كون الزمك

اورايد هالحنان
وحتى الاتنام

تتسنط عليه اشلون احرمك

اشاحچي عالسالني
ذاكه  المار

وانه الرايد تجيني وارد اخدمك

تتسنط حچي وك افهم
اشراح دنگول

والغيرك كلامي  اوقصدي يمك