تعالي نعيش .... بقلم الشاعر السيد ابو طاحون

تعالى نعيش   *** بقلم السيدابوطاحون
*********
تعالى نعيش
وما تسيبنيش
متعلقة في هواك
علي الشباك

عيوني نفسها
تحضن رموش عينك
وقلبي نفسه يتوضي
ف شموس قلبك
وأنا معرفش
في الدنيا دي
غير دربك
واعيش جنبك

تعالى نعيش
 وما تسيبنيش
*********
تغيب م الغيبه نتوجع
جبال البعد تتمطع
حبال الصبر تتقطع
في يوم ترجع
وما تلاقنيش

 تعالى نعيش
وماتسيبنيش
*********
شربت الصبر  دوخني
وكل الورد   يجرحني
ناديت يا طب   ريحني
وكان رده   ما فيش
غيرك  يفرحني
سمعت  ؟ !
ما فيش .....

تعالى نعيش
 وما تسيبنيش
*********
عايزه احس
  بكل ورده بتتولد
جوه قلبي
 في الجنينه
 وأنت جنبي
والعصافير لما ترجع
بعد يوم م الزقزقه
متشوقه
تنسي الشقا
وأنت جنبي
عايزه أقوم م النوم
افتح عيني
تتمتع بنور عيني
قمر قلبي
أنت .... جنبي
ماتسيبنيش

تعالى نعيش
وما تسيبنيش
*********
#تعالى_نعيش
#الاخنوم
#السيدابوطاحون