الشاعر/جمال زكى عينر ...يكتب ...//توبة زوج خاين //

( توبة زوج خاين ) :

جاتني كده من غير ما تقول
فجاة  كده ع البيت على طول
ارتبكت انا رحت ف حيرة
قال تقوللي انت المسئول
طب كنتي يا بيضه عرفتيني
ليه على سهوه كده تفاجئيني ؟
كنت انا جيت ظبطت اموري
بعدين كنتي يا حلوه تجيني
طب اعمل ايه انا بقى دلوقتي ؟
في الورطه ديه وف حيرتي
حوسه لمراتي تطب عليا
تفضحني وتلوث سيرتي
وحتبقي كده وقعتي سوده
في وسط ناسي واهلي وجيرتي
قالت لي طيب انا اعمل ايه ؟
واروح دلوقتي لفين ومنين ؟
قلت لها بصي يا بنت الايه
الحل سهل يا بت وزين
ارجعي ياللا مطرح ما جيتي
ولا كنك رحتي ولا جيتي
نورتي بجد أوي الشاشه
سيببني ف حالي لأهلي وبيتي
روحي يا شيطانه ابعدي عن عيني
حد الله بينك انتي وبيني
تبت خلاص ورجع لي ضميري
وراح اقطع شكي بيقيني

     بقلمي الشاعر جمال زكي عينر