الشاعر/ حسانين غندور ...يكتب ...بحلم وانادى عليك ..

بحلم وأنادى عليك
بحلم والفرح في عيوني
بحلم ومش بلاقيك
بحلم بعينيك خطفونى
بحلم والحلم يحلالي
بحلم حلم على بالي
بحلم بيك يا غالي
بحلم إنك تكون حالى
وآه من الدنيا والأيام
يا بعيد قلبك واحشني
واقول في حبك احلى كلام
وبحس إنك شايفني
بحلم إنك في حضني
بحلم إنك بتواسينى
بحلم وانتا سايبنى
بحلم بيك يا ناسيني
وآه منك يا غالي
في بعادك مش عارف اعيش
علشانك سهرت الليالي
وأنا من غيرك مليش
بحلم وشايفك معاى
بحلم إني انتا جنبي
بحلم وانتا في هواى
بحلم وانتا في قلبي
(بحلم وأنادى عليك)
(حسانين غندور)