الاستاذ... جمال زكي عينر ....يكتب... عرفتي ازاي..

( عرفتي ازاى ) :

عرفتي ازاى اني ف هواكي بادوب
وانا لسه فى الحب بزحف وبحبي يا دوب
صحيح انا فى الهوى ساذج
لكن هواكي رزق وقدر
عند الإله مكتوب

عرفتي ازاي اني ف هواكي مجنون
وعشان عشقتك خسرت كل الكون
وخسرت اهلي وعزوتي وناسي
واخترتك انتي
الله يكون فى العون

عرفتي ازاي انك منى عيني
وان غبتي عني ف يوم بيكون على عيني
دايب فى حبك
والقلب دايب دوب 
افدي هواكي بعمري وسنيني

عرفتي ازاي اني بحبك حب
ولما اشوفك قلبي مني يطب
والود ودي
اعيش فدا ودادك
وارسم هواكي سفينة جوه القلب

عرفتي ازاي اني بحبك موت
واني فى بعدك يا حياتي بموت
والقرب منك هو دوا جروحي
اعيش فى قربك
لو حتى جوه تابوت

        بقلمي الشاعر جمال زكي عينر