الأستاذ.. صبري حسين... يكتب... حلم..

( حلم) كلمات/صبري حسين
حلم
يا خسارة
لم  يكتمل
فوقت منه على كابوس
وجع قلبي
بعد ما وصلت للسما
نزلت على جدور  رقبتي
بأعلى صوتها
صرخت في وشي
سبني في حالي
ابعد عني
الكلام تاه مني
غاب مني عقلي
صدمة كبيرة
زلزلت كل كياني
الدموع  اتحجرت جوة عيني
سمعت نوح قلبي
مقدرتش ادافع على نفسي
قفلتي بابك في وشي
انا مش هدافع ولا  هبرر
لكن عايز اقولك
اني عمري ما حسيت بنفسي الامعاك
الفرحة عرفتها في قربك
كنت فاكر اني لي مكان في قلبك
قلبي عرف الحب لما حبك
مع كل ده
هحترم  رايك
هنفذ امرك
هبعد عنك
طالما انتي شايفة مصلحتك في بعدي
انا اللي يهمني مصلحتك
معاك عمري ما افكر في نفسي
ادوس على قلبي
المهم  راحتك
لكن صدقيني
انا  حبيتك من كل قلبي
عارفة يا عمري
اللي تعبني
مش كلامك
اللي قتلني
سوء ظنك
يا اجمل احلامي
انا  اللي يهمني مصلحتك
وعد مني ابعد عن طريقك
هريحك مني
رغم حزني
بتمنى لك من كل قلبي
ربنا يسعدك ويفرح قلبك
صبري حسين