الشاعر/ محمد مبارك ...يكتب ./.نحن من نزرع الجرح ...

(نحن من نزرع الجرح)

نحن من نزرع الجرح
أم الجرح زي المرض
أنا من ندمى انجرحت
والا الجرح عليا اتفرض
السبب بيسهل العلاج
أهو طرف خيط المرض
سيبك م الإحتمالات
القلب منقوع ف سُكات
وآهات و منير و نايات
سببه الحُب من غير غرض
وعشان مش قادر يتكلم
فبيكتم صوته فى قلب كتاب
و عشان من همه بيتألم
كان كاتم همه عن الأصحاب
كانت بالنسبة له حكاية
و ف قلبه مكانها مع الاحباب
و بيكتب فى جمالها رواية
و عامل لزعلها الف حساب
و لا كان بيسبها زعلانة
لكن عادى , يزعل يتساب

"محمد مبارك"