الشاعر/ صبرى حسين ...يكتب ....( هى دى حكايتى يا بنت أختى )

(هي دي حكايتي يابنت اختي) كلمات/صبري حسين
   (1)
حبيبي يا خال
ممكن تسمح لي بسؤال
ايه يا خال
اللي شاغل لك البال
ايه اللي مبدل لك الحال
عارف يا خال
انا جوايا الف سؤال وسؤال
بعيني شايفاك بتواصل النهار بالليل
بتبص للسما كانك بدور على دليل
دايما قاعد  حزين
بتخبي دمع العين
حاسة بجرح بينزف بقاله سنين
عارفة انه جواك سر دفين
صرح وقوله يا خال
يمكن لما تحكي يتبدل الحال
ويروق البال
خلي عندك ثقة في يا خال
انا بنت اختك
مافي حد غيري يهمه امرك
افتح يا خال لي قلبك
طلع كل اللي جواك
بكل حواسي انا سمعاك
صدقني يا خال
انا حساك
عارفة انك جواك بركان
مليان جروح واحزان
عارفة اني أصغر منك
ما عرفت من الدنيا أدك
انت مش محتاج اقولك
مافي حد في الدنيا خالي من الهم
كلنا مخلوقين من لحم ودم
ابدا يا خال بالكلام
لاتخاف من اي ملام
(2)
عارفة يا بنتي
انا لو حبيت احكي
محتاج سنين وسنين
انا نهر من الاحزان
حياتي كلها حرمان
من كتر الهم نسيت اني انسان
يا بنت اختي يا غالية
خالك طول عمره
عايش لغيره
عمره ما فكر في نفسه
الكل اتعود ياخد منه
مافي مرة حد فكر فيه
ياما اتمنىت حد يسأل عني
يهتم بأحوالي
يحس بي
يسمع صوتي
دايما الكل بيتكلم
عمر مافي حد فكر يسمعني
الكل بياخد ويجري
سنين عمري قصادي بتجري
اتسرسبت كل احلامي
انا واقف مكاني
غابت عني نفسي
الابيض لون رأسي
ضعف بصري
من كتر همومي
انحني ضهري
بقيت مش قادر على حملي
عارفة يا بنتي
كان أغلى احلامي
اني الاقي اللي ياخد بيدي
حد يطبطب على كتفي
كل اللي محتاجه
حد يحس بي
يشاركني مشاعري
المهَم
علشان مش أطول عليك
صدفة قابلتها
مرة واحدة جات في طريقي
كلمة في كلمة
حسيت انها نصيبي
فرح بيها قلبي
ايام وليالي فرحان بيغني
قال هي دي اللي هتعوضني
عن كل اللي راح من عمري
فضلت كاتم نبض قلبي
خايف لتعرف بحبي
بعد فترة كلمتني
قالت ليه متردد
ليه حاطط بينا سدود
تعال اعبر كل الحدود
انا عارفة كل اللي مخبيه
حبك ظاهر في كل كلمة
شمس الحب في عينك طالعة
ريحة الحب في كل مكان فايحة
أطمئن انا فاهمة
بكل اللي جواك حاسة
بوح عن اللي في قلبك
بريشتك ارسم مشاعرك
دافع عن حبك
عارفة انك بنحبني
بتعشقني
بتتنفسني
ليه تداري وتخبي
اتشجع وقرب مني
تعال ارتوى من حبي
(3)
بصراحة يا بنتي
أنهارات كل قواي
اتحطمت كل حصوني
لاقيت نفسي
بصرخ باعلي صوتي
ايوة بحبك يا قلبي
بحبك يا اغلى من نفسي
بحبك مش قادر اخبي
بحبك وحبك هناي وسعدي
ابتسمت وقالت
كنت عارفة
متأكدة من صدق حبك
كنت شايفة نفسي في كل كلامك
كان واصلني صوتك
رغم سكوتك
رغم بعدي عنك
عارفة انك
بتحبني
بتعشقني
صدقني دي حاجة تسعدني
مشاعرك تفرحني
بس عايزة اقولك كلمة
معاك هكون صريحة
ممكن اكون جريئة
ممكن اسالك سوال
لا بلاش انا اسألك
انت اسأل نفسك
معاك ايه غير حبك
تملك ايه غير قلبك
خلينا نتكلم بالعقل
انا عارفة ومتاكدة
أن الحب عمره ماكان عيب ولا حرام
بس انت لسه عايش في الاحلام
بتصدق  كلام الاغاني والافلام
ارجوك فوق من الاوهام
اعقل الكلام
بكل صراحة عايزة اقولك
قبل ما تفكر في الحب
بص لنفسك
اعرف حقيقتك
انت مين يا مسكين
لما تفكر  تحب ست الحلوين
انت مجرد انسان غلبان
لا تملك  اي ميزة
لا منصب ولا جاه
لامال ولا جمال
شكلك أدمنت الخيال
عاىزة اقولك
انا اتقدم لي  علية القوم
ده قاضي وده شغال في الاعلام
رجال أعمال ورجال علم
اصحاب شركات
اتقدم لي أعلى المستويات
بعد كل ده  أوافق بيك انت يا غلبان
فعلا انك بتحب الاحلام
عايش في الاوهام
صدقني يا ابن الحلال
الحب محتاج  اموال
احنا هندفع إيجار البيت حب
هناكل ونشرب حب
الحب عمره ما يعيش مع الفقر
اسمع مني
احسن خلينا اصحاب
بلا حب بلا هباب
خلاص ضاع الشباب
اظن وصلك الجواب
عارفة يا بنت اختي
مش هكذب عليك
انا وقاعد الدمعة فرت من عيني
استحقرت نفسي
لعنت فقري
من القهر نزف قلبي
لكن الحمد لله ربنا صبرني
بسرعة قدرت اسيطر على نفسي
استجمعت كل قواي
غصب عني
سرحت لبعيد بخيالي
صوتها رجع لي صوابي
ألوو  انت معايا انت سامعني
الكلمة بصعوبة خرجت مني
ايوة يا صديقتي
انا معاك
انا سامعك
قبل أي حاجة حابب اشكرك
اشكرك على أدبك
اشكرك على تعاليك وفخرك
لما ده هو  رايك
ليه من الاول  عرفتيني
ليه طلبتي تقابليتي
ارتحت كدة لما كسرتيني
عينك انتصرت لما شافت الذل في عيني
ممكن انت تسمعيني
انا مش هاقولك اني احسن منك
لكن عايز اقولك
الغني والفقر بأمر ربك
الرزق مش بيدك ولا يدي
ده حاجة بيد  ربي
الايام مش مضمونة
يمكن انت دلوقت في أحسن صورة
جمال ومال  وصحة
الله واعلم تكوني على ايه بكره
اقسم بالله مابتمني لك حاجة وحشة
انا بقولك مجرد نصيحة
(4)
يا صديقتي العزيزة
انا نفسي  عزيزة
كرامتي أغلى ما عندي
كان ممكن من الاول بكل احترام تعتذري
من غير ما تجرحيني
انا والله يا صديقي
موضوع الحب مش بفكر فيه
انا  خلاص جربت بختي
عمري ما افكر  اجرب تاني
صدقيني كان اكرملك وأكرم لي
لكنك مشيتي ورا شيطانك
حبيتي  تثبتي حاجة لنفسك
كل اللي اقدر اقوله لك
ربنا يسامحك
اوعي تفتكري اللعب بالمشاعر
حاجة بالساهل
بس ارجع واقول
انا اللي استاهل
اني  مشيت ورا قلبي
ارجع واقولك
ربنا يسامحني ويسامحك
انا على نفسي هدعو ربي
اني اقدر اسامحك
عارفة يابنت اختي
الكلام كان بيندفع مني
لأول مرة في حياتي
كنت اتكلم براحتي
فضلت اتكلم واتكلم
وهي قاعدة ساكتة
كل اللي عماله
عنيها على ثابتة
المهم يا بنت اختي
بعد ما خلصت كلامي
قالت ممكن تسمعني
انا مش عارفة ليه كل ده الكلام
انت لو بتفهم كنت تشكرني
ليه بتزعل من الحقيقة
ايوة بقولك خلي أحلامك على أدك
ليه بتبص للي أعلى منك
ده  جزائي اني كلمتك
ارجوك بلاش لعب بالكلمات
يا صديقتي الانيقة
يا ست يا لطيفة
كان من الاول تقفلي الموضوع
لكنك للأسف بتتمزجي من الدموع
بتفرحي لما تشوفي غيرك بيتوجع
صدقيني انا عمري ما ازعل عليك
هكمل حياتي من غيرك
عارفة انت مجرد صورة حلوة
لكنك فارغة اووي من جوة
ارجوك روحي علاجي نفسك
زعلتي من كلامي
انا مش قولت غير حقيقتك
لو كنت فاكرة اني هموت من بعدك
لا انا كنت عايش قبلك وهعيش من بعدك
صدقيني انا قلبي عليك
روحي علاجي نفسك
(5)
المهم يا بنت اختي
خلصت كلامي
قامت وسابتني قاعد لوحدي
عارفة يا بنت اختي
عمري ما ندمت على حاجة
الا ندمي على غباوتي
ايوة طلعتني غبي
ما انا لو فكرت لحظة بعقلي
كنت عرفت انها لايمكن تناسبني
هى من عالم وانا من عالم تاني
لكن للأسف مشيت ورا قلبي
يا خالي العزيز ارجوك اسمعني
إياك تلوم نفسك
انت  تعاملت بطيبة قلبك
كنت فاكر كل الناس زيك
اقسم بالله يا خال
انت اللي كسبان
انت ربنا بيحبك
انه عن الشر بعدك
بس عايزة اقولك
اوعي تخلي حاجة تأثر فيك
انسى  اللي فات
ارمي ورا ضهرك
عيش حياتك
آه يا بنت اختي
حياة ايه البركة فيكم ياشباب
انا خلاص قفلت على نفسي الباب
عارفة يا بنت اختي
اكتر حاجة بتعذبني
انها لعبت بمشاعري
كنت مجرد  موضوع رهان بينها وبين اصحابها
انا مش عارف راحت فين انسانيتها
كان فين ضميرها
يا خالي العزيز انسي
اقفل صفحتها بكل مافيها
صدقيني يابنت اختي
انا قطعت  من يومها صفحتها
ولعت النار فيها
لكن حاطط قصاد عيني كلامها
حروفها لسه بترن في وداني
انت لو أخر  راجل في الكون
لا يمكن افكر فيك
ياصديقي بص لنفسك
احلم على ادك
لا يا خالي انا مش معاك
ده كلام انسانة مريضة
بعيد كل البعد عن الحقيقة
انت انسان من حقك تحلم
احلم براحتك
الحب مش بامري ولا امرك
القلوب بيد ربك
ربنا يحرسك يا بنت اختي
كلامك  ريحني
انا كنت حاسة يا خال
انك شايل على كتفك جبال
ياربت تكون بعد مافضفت
تكون  ارتحت
الحمد الله يا بنت اختي يا غالية
انا بقيت حاجة تانية
نعمه على كتيرة
قدرني ارجع لنفسي
هى دى كل حكايتي
يا غالية يا بنت اختي
صبرى حسين(هي دي حكايتي يابنت اختي) كلمات/صبري حسين
   (1)
حبيبي يا خال
ممكن تسمح لي بسؤال
ايه يا خال
اللي شاغل لك البال
ايه اللي مبدل لك الحال
عارف يا خال
انا جوايا الف سؤال وسؤال
بعيني شايفاك بتواصل النهار بالليل
بتبص للسما كانك بدور على دليل
دايما قاعد  حزين
بتخبي دمع العين
حاسة بجرح بينزف بقاله سنين
عارفة انه جواك سر دفين
صرح وقوله يا خال
يمكن لما تحكي يتبدل الحال
ويروق البال
خلي عندك ثقة في يا خال
انا بنت اختك
مافي حد غيري يهمه امرك
افتح يا خال لي قلبك
طلع كل اللي جواك
بكل حواسي انا سمعاك
صدقني يا خال
انا حساك
عارفة انك جواك بركان
مليان جروح واحزان
عارفة اني أصغر منك
ما عرفت من الدنيا أدك
انت مش محتاج اقولك
مافي حد في الدنيا خالي من الهم
كلنا مخلوقين من لحم ودم
ابدا يا خال بالكلام
لاتخاف من اي ملام
(2)
عارفة يا بنتي
انا لو حبيت احكي
محتاج سنين وسنين
انا نهر من الاحزان
حياتي كلها حرمان
من كتر الهم نسيت اني انسان
يا بنت اختي يا غالية
خالك طول عمره
عايش لغيره
عمره ما فكر في نفسه
الكل اتعود ياخد منه
مافي مرة حد فكر فيه
ياما اتمنىت حد يسأل عني
يهتم بأحوالي
يحس بي
يسمع صوتي
دايما الكل بيتكلم
عمر مافي حد فكر يسمعني
الكل بياخد ويجري
سنين عمري قصادي بتجري
اتسرسبت كل احلامي
انا واقف مكاني
غابت عني نفسي
الابيض لون رأسي
ضعف بصري
من كتر همومي
انحني ضهري
بقيت مش قادر على حملي
عارفة يا بنتي
كان أغلى احلامي
اني الاقي اللي ياخد بيدي
حد يطبطب على كتفي
كل اللي محتاجه
حد يحس بي
يشاركني مشاعري
المهَم
علشان مش أطول عليك
صدفة قابلتها
مرة واحدة جات في طريقي
كلمة في كلمة
حسيت انها نصيبي
فرح بيها قلبي
ايام وليالي فرحان بيغني
قال هي دي اللي هتعوضني
عن كل اللي راح من عمري
فضلت كاتم نبض قلبي
خايف لتعرف بحبي
بعد فترة كلمتني
قالت ليه متردد
ليه حاطط بينا سدود
تعال اعبر كل الحدود
انا عارفة كل اللي مخبيه
حبك ظاهر في كل كلمة
شمس الحب في عينك طالعة
ريحة الحب في كل مكان فايحة
أطمئن انا فاهمة
بكل اللي جواك حاسة
بوح عن اللي في قلبك
بريشتك ارسم مشاعرك
دافع عن حبك
عارفة انك بنحبني
بتعشقني
بتتنفسني
ليه تداري وتخبي
اتشجع وقرب مني
تعال ارتوى من حبي
(3)
بصراحة يا بنتي
أنهارات كل قواي
اتحطمت كل حصوني
لاقيت نفسي
بصرخ باعلي صوتي
ايوة بحبك يا قلبي
بحبك يا اغلى من نفسي
بحبك مش قادر اخبي
بحبك وحبك هناي وسعدي
ابتسمت وقالت
كنت عارفة
متأكدة من صدق حبك
كنت شايفة نفسي في كل كلامك
كان واصلني صوتك
رغم سكوتك
رغم بعدي عنك
عارفة انك
بتحبني
بتعشقني
صدقني دي حاجة تسعدني
مشاعرك تفرحني
بس عايزة اقولك كلمة
معاك هكون صريحة
ممكن اكون جريئة
ممكن اسالك سوال
لا بلاش انا اسألك
انت اسأل نفسك
معاك ايه غير حبك
تملك ايه غير قلبك
خلينا نتكلم بالعقل
انا عارفة ومتاكدة
أن الحب عمره ماكان عيب ولا حرام
بس انت لسه عايش في الاحلام
بتصدق  كلام الاغاني والافلام
ارجوك فوق من الاوهام
اعقل الكلام
بكل صراحة عايزة اقولك
قبل ما تفكر في الحب
بص لنفسك
اعرف حقيقتك
انت مين يا مسكين
لما تفكر  تحب ست الحلوين
انت مجرد انسان غلبان
لا تملك  اي ميزة
لا منصب ولا جاه
لامال ولا جمال
شكلك أدمنت الخيال
عاىزة اقولك
انا اتقدم لي  علية القوم
ده قاضي وده شغال في الاعلام
رجال أعمال ورجال علم
اصحاب شركات
اتقدم لي أعلى المستويات
بعد كل ده  أوافق بيك انت يا غلبان
فعلا انك بتحب الاحلام
عايش في الاوهام
صدقني يا ابن الحلال
الحب محتاج  اموال
احنا هندفع إيجار البيت حب
هناكل ونشرب حب
الحب عمره ما يعيش مع الفقر
اسمع مني
احسن خلينا اصحاب
بلا حب بلا هباب
خلاص ضاع الشباب
اظن وصلك الجواب
عارفة يا بنت اختي
مش هكذب عليك
انا وقاعد الدمعة فرت من عيني
استحقرت نفسي
لعنت فقري
من القهر نزف قلبي
لكن الحمد لله ربنا صبرني
بسرعة قدرت اسيطر على نفسي
استجمعت كل قواي
غصب عني
سرحت لبعيد بخيالي
صوتها رجع لي صوابي
ألوو  انت معايا انت سامعني
الكلمة بصعوبة خرجت مني
ايوة يا صديقتي
انا معاك
انا سامعك
قبل أي حاجة حابب اشكرك
اشكرك على أدبك
اشكرك على تعاليك وفخرك
لما ده هو  رايك
ليه من الاول  عرفتيني
ليه طلبتي تقابليتي
ارتحت كدة لما كسرتيني
عينك انتصرت لما شافت الذل في عيني
ممكن انت تسمعيني
انا مش هاقولك اني احسن منك
لكن عايز اقولك
الغني والفقر بأمر ربك
الرزق مش بيدك ولا يدي
ده حاجة بيد  ربي
الايام مش مضمونة
يمكن انت دلوقت في أحسن صورة
جمال ومال  وصحة
الله واعلم تكوني على ايه بكره
اقسم بالله مابتمني لك حاجة وحشة
انا بقولك مجرد نصيحة
(4)
يا صديقتي العزيزة
انا نفسي  عزيزة
كرامتي أغلى ما عندي
كان ممكن من الاول بكل احترام تعتذري
من غير ما تجرحيني
انا والله يا صديقي
موضوع الحب مش بفكر فيه
انا  خلاص جربت بختي
عمري ما افكر  اجرب تاني
صدقيني كان اكرملك وأكرم لي
لكنك مشيتي ورا شيطانك
حبيتي  تثبتي حاجة لنفسك
كل اللي اقدر اقوله لك
ربنا يسامحك
اوعي تفتكري اللعب بالمشاعر
حاجة بالساهل
بس ارجع واقول
انا اللي استاهل
اني  مشيت ورا قلبي
ارجع واقولك
ربنا يسامحني ويسامحك
انا على نفسي هدعو ربي
اني اقدر اسامحك
عارفة يابنت اختي
الكلام كان بيندفع مني
لأول مرة في حياتي
كنت اتكلم براحتي
فضلت اتكلم واتكلم
وهي قاعدة ساكتة
كل اللي عماله
عنيها على ثابتة
المهم يا بنت اختي
بعد ما خلصت كلامي
قالت ممكن تسمعني
انا مش عارفة ليه كل ده الكلام
انت لو بتفهم كنت تشكرني
ليه بتزعل من الحقيقة
ايوة بقولك خلي أحلامك على أدك
ليه بتبص للي أعلى منك
ده  جزائي اني كلمتك
ارجوك بلاش لعب بالكلمات
يا صديقتي الانيقة
يا ست يا لطيفة
كان من الاول تقفلي الموضوع
لكنك للأسف بتتمزجي من الدموع
بتفرحي لما تشوفي غيرك بيتوجع
صدقيني انا عمري ما ازعل عليك
هكمل حياتي من غيرك
عارفة انت مجرد صورة حلوة
لكنك فارغة اووي من جوة
ارجوك روحي علاجي نفسك
زعلتي من كلامي
انا مش قولت غير حقيقتك
لو كنت فاكرة اني هموت من بعدك
لا انا كنت عايش قبلك وهعيش من بعدك
صدقيني انا قلبي عليك
روحي علاجي نفسك
(5)
المهم يا بنت اختي
خلصت كلامي
قامت وسابتني قاعد لوحدي
عارفة يا بنت اختي
عمري ما ندمت على حاجة
الا ندمي على غباوتي
ايوة طلعتني غبي
ما انا لو فكرت لحظة بعقلي
كنت عرفت انها لايمكن تناسبني
هى من عالم وانا من عالم تاني
لكن للأسف مشيت ورا قلبي
يا خالي العزيز ارجوك اسمعني
إياك تلوم نفسك
انت  تعاملت بطيبة قلبك
كنت فاكر كل الناس زيك
اقسم بالله يا خال
انت اللي كسبان
انت ربنا بيحبك
انه عن الشر بعدك
بس عايزة اقولك
اوعي تخلي حاجة تأثر فيك
انسى  اللي فات
ارمي ورا ضهرك
عيش حياتك
آه يا بنت اختي
حياة ايه البركة فيكم ياشباب
انا خلاص قفلت على نفسي الباب
عارفة يا بنت اختي
اكتر حاجة بتعذبني
انها لعبت بمشاعري
كنت مجرد  موضوع رهان بينها وبين اصحابها
انا مش عارف راحت فين انسانيتها
كان فين ضميرها
يا خالي العزيز انسي
اقفل صفحتها بكل مافيها
صدقيني يابنت اختي
انا قطعت  من يومها صفحتها
ولعت النار فيها
لكن حاطط قصاد عيني كلامها
حروفها لسه بترن في وداني
انت لو أخر  راجل في الكون
لا يمكن افكر فيك
ياصديقي بص لنفسك
احلم على ادك
لا يا خالي انا مش معاك
ده كلام انسانة مريضة
بعيد كل البعد عن الحقيقة
انت انسان من حقك تحلم
احلم براحتك
الحب مش بامري ولا امرك
القلوب بيد ربك
ربنا يحرسك يا بنت اختي
كلامك  ريحني
انا كنت حاسة يا خال
انك شايل على كتفك جبال
ياربت تكون بعد مافضفت
تكون  ارتحت
الحمد الله يا بنت اختي يا غالية
انا بقيت حاجة تانية
نعمه على كتيرة
قدرني ارجع لنفسي
هى دى كل حكايتي
يا غالية يا بنت اختي
صبرى حسين