الشاعر/ حسانين غندور ...يكتب ...عشت حياتى عذاب ...

عشت حياتي عذاب
واتفتحت ببان احزاني
انجرحت من كل الاحباب
والجرح علامة في مكاني
تايه في بحر اشواق
ودموع وحيرة مالكاني
مليت قلبي بالصبر
وعايش في الدنيا وحداني
برافو عليك يا زمن
كترت العذاب في قلبي
اصرخ واقول آه من الألم
علشان ملقتش حبيب جنبي
شكرن ليك يا ندم
ذودت الدمعة على خدي
شكرن على كل جرح
وعلى ذنب كان مش بيدي
آه على عمري إللي بنيته
وآه من جرح السنين
آه على إنسان ضميته
زرع في قلبي شوء وحنين
اتخدعت منك يا زمن
واتخدعت من حبيب كان ليا
حتى إللي باعني باعني من غير تمن
وسابني وساب الهموم فيا
طاب اشكي لمين يا دنيا
على ناس فيكي ظلمونى
فتحت ليهم مكان في قلبي
خدو منى الحنان ورموني
دارت بيا الأيام
ودار بيا الزمان
تعبت يا ناس من الآلام
ودابت فيا الأحزان
بكيت على بختي وحالي
ذاد قلبي عذاب ونار
شلت الفرحة من خيالي
دقت يا دنيا هم ومرار
خلاص يا قلبي هنسه إللي فات
ومش هفكر في الماضي تاني
ونعيش انا وانتا الزكرايات
ونفتح صفحة من تاني
(حسانين غندور)