الاستاذ... مصطفى العربي... يكتب... بنهرب ليه

.                بنهرب ليه
بنهرب ليه من الماضى
              ونعمل روحنا مش فاكرين
ونتغابا على روحنا
                    ونبقى لنفسنا ظالمين
ولما نشوفه قدامنا
              بنعمل روحنا مش شايفين
...............................................
وتغلي قلوبنا من جوا
                       وتتقطع حجات جوا
ويبقى دمعنا نازل
                    لكن نعمل كدا ناسيين
وذكرى جيه تضرب نار
                   على قلب اترمي فالنار
ونجرى الدنيا بالمشوار
              ونعمل روحنا مش فاكرين
جراحنا عيشه جوانا
                        وفاكرينها وفاكرانا
وصوت الماضى جوانا
           ييصرخ واحنا مش سامعين
بنهرب ليه من الماضى
              ونعمل روحنا مش فاكرين
ونتغابا على روحنا
                    ونبقى لنفسنا ظالمين
            بنهرب ليه
بقلمي
الشاعر مصطفي العربي