الشاعرة /د .ملك الأصفر ..تكتب ...إهداء إلى شقيقها ...

أبو أنس عبد العزيز
..............................................
أبو أنس عبد العزيز
شهد وأحلى من السكر
إيدو مفتوحة للخير
بعمرا ما رح تتسكر
قلبو صافي ومتل الماس
أصفى من التلج وأكتر
ورح يبقى مابين الناس
وردة والريحة عنبر
.....................
أبو أنس مين متلك مين
بهالديرة مافي متلك
عدوك هوة الخسران
والبيجافيك بيهلك
بالسمعة شهم وأمير
العالم كلا بتشهدلك
كبير ورح بتضل كبير
وعمرو ما بيوطى نخلك
........................
أبو أنس إنت الربان
 وإنت رب السفينة
وإنت البحر والقبطان
وإنت الإيد الأمينة
لولا صمودك بالميدان
كان خربت هالمدينة
بيلبقلك الصولجان
وتبقى بهالبلد زينة
...................
أبو أنس يا وجه الخير
ومتلك ما خلق الله
طول عمرك عايش للغير
نقي وقلبك من الله
اللي متلك عمرو ماخان
ولا بيخون بعهد الله
رح يبقى راسك مرفوع
وعالي بإذن الله
............................................
د . ملك محمود الأصفر
إهداء إلى شقيقي المهندس عبد العزيز الأصفر