الاستاذ.. نبيل الورداني.. يكتب.. أنا مش ناوى بقلبى أخاطر

أنا مش ناوى بقلبى أخاطر
واعمل يومها لحبك خاطر
ياما ف حبك شوفت مخاطر
أصبر حبه شويه عليا

راعى ف حبك قلبى وروحى
وارأف حتى كمان بجروحى
يللى بانيت ف الحب صروحى
زود حبه من الحنيه

راعى ف حبك بعض مشاعرى
أصل كلامى دا كان من شعرى
واعرف قيمتى وحدد سعري
إوعى ف يوم تتجنى عليا

ياما ف حبك دوقت مرار
كنت بدارى كتير أسرار
لكن لما القلب احتار
يومها عرفت بإنه أسيه
     {[نبيل الوردانى]}