الشاعر/ أحمد أبو زياد ...يكتب ...الذكريات ..

الذكريات

    آه يا قلبى يلى مليان ذكريات
    والدنيا ايه شوية ذكريات
    ذكرى ساكنه
    تحي جوايا الآهات
    وذكرى شارده
    تقولى الضحك فات
    آه يلى قلبى يلى مليان ذكريات

    فى ذكرى سهدى وفرشتى
    وذكرى تانيه تأنس وحدتى
    وتالته آهه حسره ومعاها دمعتى
    آه يا قلبى يلى مليان ذكريات

    قلت افتح كتاب الذكريات
    أتارى السعد فيها
    صفحه صفحتين
    والشقى هو باقى الكتاب
    وصفحه تجر صفحه
    يمكن آلاقى فرحه
    ملقيتش إلا حزن آهه
    ماليها السكات
    آه يا قلبى يلى مليان ذكريات

    وفى يوم جديد هلت عليا
    فجر فرحه جايه من بعيد
    أتاريها ذكرى حلوه
    تايهه فى الكتاب
    أحتار فكرى
    هى حقيقه ولا سراب
    سألت قلبى
    أنت لسه فى إغتراب
    رد نبضه قالى
    ده حبيبك اللى غاب
    وآه تنهيده طالعه
    من بين الضلوع
    وفرحه بأعلى صوت تنادى
     ما أحلى الرجوع

                           بقلم ..... احمد ابو زياد