هشام علي يكتب ....

يا أجمل غنوة مكتوبة
وبجبين القمر ألحان
وصوتها الهادى يطربنا
ويسعدنا في كل مكان
••••••••••.     
يا تاج سلطانى على راسى
بإحساسى أنا عطشان
وأملى الكاس لكل الناس
وعن نفسى م دوبت خلاص
ما أفكر إنى أستنى
ح ييجى اليوم ونتهنى
وأسعد قلبى برجوعك
يا أغلى الناس
يا تاج سلطانى على راسى
بإحساسى أنا العطشان
••••••••••••••••. 
كتبتك كلمة فى كتابى
     يا أجمل لون
رسمتك صورة لوجدانى
     يا كل الكون
عبرت وإنتى مالكانى
     كما المجنون
يا عايشة جوة في كيانى
     وأنا الرحال
يا جملة فى حلم وفى صورة
     وفى الموال
بنادى عليكى من بدرى
     يا أحلى غزال
يا تاج سلطانى خلانى
بإحساسى أكون عطشان
•••••••••••••••••••••••••••••••
6 أكتوبر فى 17/4/2019
إحساس جديد تم فرزه
بعنوان : يا أجمل غنوة مكتوبة
••••••••••••••••••••••••••••••