بقلم الشاعر... محمد عباس معلم... (عمري بينسرق)

خواطر  بعنوان : ( عمرى بينسرق )
عمرى كله
بينسرق ادام عنيا
احلى كلمه
 واحلى غنوة
 مابقتش ليا
خلى وحبيبى
بحن له مسالش فيا
وكل ايام الشقى
جارت عليا
كان هو غايتى ومطلبى
 كانت القضيه
من النهاردة غمامه حلت
 وغطت عنيا
دنيا وفيها كل  شىء
هجر وقسيه
حتى الصحاب اتفرقوا
 فى تمثيليه
معدوش يفكروا يسالوا
 راحت العيديه
رمضان بيجى
 بعده عيد ومسرحيه
فرحه زمان
ولمه العيله الهنيه
والحياة اتبدلت
فى يوم وليله
و النفوس اتغيرت
 والشر حيله
 ابتسامه صافيه
 والمقابله كانت شويه
والبيوت بالخير تجود
بالبشاشه وبالعطيه
واللى باقى من الفلوس
 ومن المهيه
فانوس ازاز
ولمبه والشمعه هديه
كنا سعد
 وفى الشدة اد المسؤليه
اوعى تقول
 ان الغلا ضاغط عليا
البركه فى القليل
ووشوش عفيه
  كرم الضيافه
 وواجب يكفى ميه
والاصيل ابن البلد
والمفهوميه
هات الشلت
 و الطبالى وقله الميه
وكل خير البيت
 بفرحه 
 والزوادة مرت عليا
بكرة فى علم الغيب
برزقه 
لاعمرنا فكرنا
 الا فى صحبه ونيه
ونقعد نحاكى ونحكى
وندعى عادة وعشيه
لكن حياتنا الان
صبحت رزيه
حلم ياخدك يخطفك
اولعبه حروفها خفيه
خدنا ايه من حياتنا
نعمل حساب للمحسوبيه
بنخاف السلف فوق المهيه
فين الدفا فين الصفا
 والضيافه كانت زمان
لازم تفكر تتصل
 وتقول لى جاى
تاخد الاذن
والا يكون
طلبك محال
 ظروف ومنعت
 واقع خيال
من النهاردة
فقير غنى كله عيد
لازمنا فرحه
 وميلاد جديد
وتعود ليالى السمر
بهجه وزينه ونشيد
العمر بكرة راح خفى
والكلمه صبحت تختشى
واعدى جنبك مش شايفنى
ياخسارة ياحبى الوفى
م الدنيا هيصبنا الاذى
والحيرة والشك اتنسى
عاد الصفى عاد الدفى
وعمرى كله بينسرق
ادام عنيا
بقلم محمد عباس معلم الاسماعيليه