آه منك يا دنيا .... بقلم الشاعر جمال حلمي

آه منك يادنيا

كسرتني بالقوي  ...

 سلمتيني بجد لفاجر

 ليلعب بي وينتشي ..

هاتي يادنيا ماعندك

هاتي  وكتري  .....

وزيدي ف الوجع كمان

وعلى كتفي أركبي ..

ماهو أنتي نسيتي

يادنيا

زماني .... وقوتي

ونسيتي نفسك

كمان 

لما كنتي بترقصي ...

العوبة من يومك

يادنيا

ما كنتي بتختشي ....

النهاردا

بتنتقمي مني

وعليه بتتكبري ..

شغل الغوازي

ف دمك

ولا عمرك  ها تقلعي ...

أنا مش حزين

جوايا

ولا ناقم على

ما بتعملي  ......

أنا  حزني بس

 الوحيد

على صحبي

ال غشني  ......

ال آكل معايا

وباعني  للناس

ودنيتي  .....

لا عمل حساب ليوم

ولا أكنة

عرفني وسحنتي  ....

شوفتي يادنيا

إزاي ... على

طول بتلعبي ...

الكل عندك

رخيص

ينباع وينشري ...

معادلة حقيقي

صعبة

محتاجة

لزمن النبي ....

ليرسي المبادئ

تاني

ويشفي علتي ....

بقلمي ...  جمال حلمى ......
ومضات ...   شاعر  ...........