تغنجي
تغنجي يا مصطبه وتدللي
بو صابرحدك و جنبه  بو علي
شعار للشعر عندهم مخزون
بيفيض بحور  مع كل  مقابله
اثنين (أ) الف وبنصها (ن) نون
خضر اجا ع منبرك  يعتلي
اسمعي مني شعر وحرف موزون
وقصايد فيها علم  ومرسملي
الضاد عشقت الفتحة والسكون
بحبكة سِلسِه وفكره مسلسله
 فكرمكتوب بالوان وفنون
من الفها لياءها الصورة مبكله
لوحات من حروف تسحر عيون
قلمها بالوان الابجديه مبلله
الحق بحب قول وبكون ممنون
مرتاح الضمير بلا  مجاملي
بطوي الحرف وعليه بمون
قوافي بزرع جنينتي ومشتلي
بكتب فرح بنظم شعر  محزون
انبشي سطوري و عني اسالي
لا بدي كون قيسها المجنون
ولا انت بسحر العيون تتغزلي
بدي الحرف مسموع و يكون
عبره جوا السطر  مدفون
حكمة لو قريتها مردودها الي
خضر خليفة