اللي عاش العمر.... بقلم الشاعر أحمد سيد أحمد

اللى عاش العمر عايز
يملا بالفرح الأزايز
عاش بيحلم إنه جايز
يمسح الدمع اللى بان

اللى عاش العمر طيشة
قلبه طاير زى ريشة
كات حياته أحلى عيشة
بس قلبه ف مرة هان

كان بيحلم بالأمانى
تمسح الدمع ف ثوانى
كان بيرقص ع الأغانى
يملا بالبسمة المكان

بس حلمه ف ثانية ضاع
لما حبه لقلبه باع
وسط بحر من الخداع
شاف معاه كل الهوان

كل وقت الفرح راح
باقى بس سنين جراح
بعد أيام البراح
و السعادة و بالأمان

عاش أسير للذكريات
م اللى عدى و اللى فات
عاش و لكن قلبه مات
و اتنسى حبه اللى كان
(احمدسيداحمد)