الاستاذ... محمد جلال ...يكتب.... أنت بنفسك

أنت بنفسك..
.................
طبطب بإيدك على كتافك..
مش هتلقى في يوم..
 إللي يطبطب عليك..
وأمسح دموع عينك..
مش هتلقى إيدين تتمد..
  تمسحها ولا تعينك..
وراضي نفسك بنفسك..
مش هتلقى في يوم..
    إللي يراضيك..
وداوي جراح قلبك بنفسك..
مش هتلقى في يوم..
     إللي يداويك..
أحضن نفسك وطمنها..
محدش هيحس إللي فيك..
مستني إيه؟ ما خلاص..
كل المعاني اتكسرت..
حتى المشاعر والقيم..
       أتغيرت..
حتى كلمة بحبك..
       أتغيرت..
مبقتش تقول معنى..
ولا تحرك إحساس قلوب..
       أتحجرت..
     أنت بنفسك..
تقدر تعالج خدوش قلبك..
   وتغيره وتطوره..
      أجمد بقى..
 ومتخليش حزنك..
  يكسره ويغيره..
معقوله حبك سبب تعاسه معاك!!!..
     ملعون أبو القلب..
   إللي ما يحس هواك..
     ولا كفايه عليه
خسرانه يوم لهواك..
     أنت بنفسك..
تقدر تعالج وجع نفسك..
    أنت بنفسك..
 ..............
محمد جلال