خلاص عرفت.. بقلم.. عماد عمران

خلاص عرفت ..
كنتي ليا
وكنت بيكي
 أجمل حكايه ..
وادي أديكي
مرة راسيه
ومرة قاسيه...
زدتي همي
 يادي همي ...
كل همي تكوني جنبي..
مش بعيد ومسهراني...
كيف أداري
 العيون المعجزات..
والكلام والبكاء
 حتى السكات ...
نظرة الحزن ف عينك
مش قساوه...
لحظة البسمة ف شفايفك
 مش شقاوه ...
ياكشي فاكره حبي ليكي
كان حكاية والسلام.
دا عمر شايل
 ساعات يجيب
وسنين يودي ..
نبرة الحزن ف كلامي
كانت بتلعن
 لانتصار الحب ليكي
 مليون دليل ........
أنا مش بديل
يلعن أبو دا الحب الذليل .....
ادفنت جوايا صورتك..........
وادفن جواكي قلبي.......
فاكره إنك ببعادك تكسريه .......
يامه قبلك أحتلوه
 وسكنوا فيه .....
وحدفوه بالكلام
 وبسهام وما أثروش فيه ...
تكسريه ......
لا إنتي شهرزاد
 ولا إنتي ليلى
سكي بابك
 وزي ما هما ولوا .....
كمان إنتي ولي ....
يكفي بكا وتمني...
البحر اللي حدفك ....
حدف أشكال ....
عدد الكراسي على المراسي
عدد الرمال ..
مازال قلبي
 يرفرف نحو الشطأن ..
ومازال الحزن
 يسطر دمع السهران ...
لا أخشى أن تنطوي
 صفحات الليالي بينا ...
ولكن أخشى
 أن تنتهي الحكاية اللي ما بينا...
بألاحزان ....بالأحزان
#عماد عمران