الشاعر / مرسى محمد ...يكتب ...حياتها ومماتها أمى ../

حياتها ومماتها آُمي
^^^^^^^^^^^^^^^^
كل سنه أقول دي حياتي
نفسي ألقى كلمة يوماتي
تُعَبِر عنها في كل الأوقات
وتوصف حُبي وسلامي
لآُمي الغالية وكمان لحماتي
طبعا مَهي بَرضُه آُم مراتي
هُن أغلىٰ من كل حياتي
وليهُن البِر وأفضل دعواتي
أنا برسخ قدوة لأولادي
ليعيشوا على درب إهتماماتي
الآُم ملهاش زي نهائي
محفوظة وللقلب غذاء
دي غريزة نابعة م الرب
حُبَها راشق في القلب
إن مِرضِت أزعل وأنكب
لو زعلِت جُهدي يخرب
وأتشقلب ليها عَشان تضحك
وتنسىٰ مشاكلها ولا تِغضب
وبموتها حياتي بتسود
ولكل ٱم ... أنــا بدعيلها
يارب إحفظها وإكرم دنياها
وإغفرلها وإرحمها في مثواها
^^^^^^^^^^^^^^^^^
تحياتي
مرسي محمد