الشاعر/ السيد فريج ...يكتب ..سكة الندامه ...

سكة الندامة
للسيد فريج
٠٠٠٠٠٠٠٠٠٠٠٠٠

أنا الخمرة والمُسْكِرْ
أنا الأفيونْ
انا المسطولْ
انا المدمنْ
أنا ...
سكة اللى يروح مَيِرْجَعْشِى
كل شئ عنها مَنِعْرَفْشِى
ماهو  اللى يروح  مَيِرْجَعْشِى
أنا سكةْ الخاينةْ …
خانتْ دينها وربها وبيتها
وسكةْ الخاينْ …
خانْ دينه ووطنه ومراته
وحَوَّطُهْ ذنبهْ ولا  فاقشى
سكةْ الهاويةْ …
وجوَّايا نفوسْ غاويةْ
قتلها الهوى وعَنُّه مانَهَتْشِى
عندى من البشرْ ألوانْ
فيه السارقْ …
ودا القاتلْ
ودى الزانيةْ
أنا مصيبةْ أنا داهيةْ
انا غوايةْ وياما قالولى
سلامْ …  مَرَدّْيتْشِى
أنا ……
سِكةْ اللى يروح ميرجعشى
فيها العاصى …
والراغبْ عنْ سكةْ ربِنا ودينهْ
فَسَدْ فى الأرضْ …
مَعَمْرّشِى
وكام عالِم …
إغتر بعلمه مَنَفَعْشِى
وكام راهبْ
وكام كاهنْ
مَشَي في سِكتى و ماخافْشِى
أنا …
سِكةْ اللى يروحْ مَيِرّجَعْشى
عندى المعاصِى إكْوامْ
ناسْ مُشركةْ …
وناسْ كافرةْ بالاديانْ
إنطَمَسْ قلبها ولا تشوفشِى
سكتى ضلمةْ فيها الشرور أشكالْ
وتْدَوَّرْ على الخيرْ مَتِلْقاَهْشِى
أنا كارثةْ …
تِوَدِى جهنم بدونْ رحمةْ
نار تشوى الوجوهْ …
فيها الخالدْ مَيِطْلَعْشِى
قلت العياذْ باللهْ …
من سكةْ اللى يروحْ مَيِرّْجَعْشِى