الشاعر/النميرى نافع ...يكتب ..انت عمرى ..

السلام عليكم ورحمة الله..
   ... إنت عمرى ...

لو نسيت في يوم اقولك...
                           إنت عمري...
                                    ما تزعليش..

إنت عارفه إن إنت عمري...
                          وإنت روحي....
                   بس هي مفرمة الحياة...
                                    فامتلوميش...

واوعي تفتكري أم ابقى سارح...
                                    إني هايم..
                       أو في بحر العشق عايم...

وإن تفكيرك هداك..
              ان بالي راح في حته تانيه...
                      صدقيني تبقى عميه..

وبعد عشره سنين طويله..
                                ولسه معرفتنيش...

طب انت فاكره م الشهر اللي فات..
                             كنت طالبه من ايه؟؟
                                    مالك بلمتي ليه؟؟

قولتيلي وبحده...
             وكان ف كلامك شوية تهكمات..
اوعي تنسى اول الشهر اللي جاي...
                                    عيد ميلاد بنتك فريده..
                                     عايزه تورته بالصوره...
                                      وتكون كبيره..

وباتيهات وساليزونات..
            وحاجه ساقعه..
               والبنت برضو عايزه هدوم جديده..

وحمزه ابنك عايز لبس الشتا..
يعني كم طقم خروج وكام بيجامه...
                     وزيهم برضو لفريده...

وعايز جزمه وعايز كوتشي..
وعايز يتفسح ف كارفور...
وعايز التاب..
                    اللي انت وعدته بيه...
                 في عيد ميلاده اللي فات...

وعايزين نحجز رحلة الأقصر وأسوان...
                                في نص السنه...
                                   زهقنا م القعده هنا...

عايزين نشوف آثار بلادنا...
                      ونحكي لاولادنا...
                                   ع الماضي اللي فات...

بس عارفه...
         كل ده مقدور عليه...
          اصل دول أطفال...
         والرزق نازل من رب العباد...
          بس اهم حاجه احنا نتقيه.....

كل اللي حازز في نفسي...
                           ومش قادر عليه...
                                       وكان قاهرني...

           فاكره إيه ؟؟
              لأ مش فاكره  ....
                    قوللي انت عليه...

فاكره لما قولتيلي..
                 عايزه اعمل شعري كيرلي...
                                   ضربت سكينه ف قلبي..
                                      وقلت...
                            أدى اللي كان فاضلي...
                          مراة واحد صعيدي....
                        وعايزه تعمل الشعر كيرلي..

يا سابل الستر...
               استر عليا يارب...
             مش كفايه كل يوم...
                في شد وجذب...

وكمان جايه بتحكي...
انت نسيت النهارده انك تقولي...
                        إنت عمري...
ومن ايام الخطوبه...
                     مخرجتنيش...

                     بصراحة.. صعبت عليا...
          بصيت ف عنيها بصه م اللي هيا...
                     بصه من بتوع زمان...
                             بصة حنان..

          وامسكت بأديا اديها..
                     فحست بالأمان..

                   قربت منها وهمست ف اودنها...
                             ابوس ايديك...
                            سيبيني اعيش...

...... تحياتي

                   النميرى نافع