الاستاذ.. جمال زكي عينر.. يكتب.. (اجمل ما فينا)

( اجمل ما فينا ) :

اجمل ما فينا كلنا
ساعة الكوارث دمنا
سكر اوي زي الشربات
بنقول نكت على غلبنا
بنحول الدمعه لبسمه
وقلوبنا دايما مبتسمه
وده اجمل شيء في المصريين
راضيين بنصيبنا و بالقسمه
النطره تغرق شوارعنا
نعمل قوارب ونقدف
والميه لو دخلت بيتنا
في وش بعض وبنحدف
نحول الكارثه لضحكه
والشعر نكتب ونألف
ودي ميزه حلوه بجد فينا
على المصاعب بنولف
وده مش جديد على شعبنا
طبع الشهامه ف دمنا
ساعة الشدايد نتوحد
ايدينا في ايدين بعضنا

      بقلمي الشاعر جمال زكي عينر