الاستاذ.. جمال زكى عينر.. يكتب.. ( الدنيا زي المرجيحة)

( الدنيا زي المرجيحه ) :

الدنيا زي المرجيحه
اهي مره يمين واهي مره شمال
ابعد يا هم ف ميت زيحه
ما تسيبنا مرة ف حالنا اومال
ولا انت عامل ويانا عقد
لا بتنسانا ولا بتنهد
هزر مرة ومرة بجد
نفسنا مرة يروق البال

الدنيا زي المرجيحه
روح وياها وخد وادي
دنيا خداعة جريحه
اوعى انت تجري اما تهدي
سايسها علشان تبقى معاك
وما تآوحش ف لياليها
شيطانها فجاة حيبقى ملاك
وإن كان في حفرة تعديها

الدنيا زي المرجيحه
مرجحها ومعاها اتمرجح
دي لعبة والله مريحه
ما تخافش لو بيك تتطوح
كات امتى دنيتنا صريحه
مش محتاجاني اقول واشرح
خليك خفيف في التطويحه
اوعاك تهز وتتأنزح

      بقلمي الشاعر جمال زكي عينر