بقلم.. النميري نافع.. حب وغزل

السلام عليكم ورحمة الله وبركاته...
 ... حب وغزل ...

قالوا علينا صعايده...
ما انعرفوش انقولوا كلام حب وغزل...
شفتوا الزعل..
دا احنا اللي بدعنا الحب...
واتغنينا بيه..

طب انت ما اسمعتيش عمنا الأبنودي...
قالك ايه ؟؟
قال كلام كتيييييير في الحب..
هقولك حبه منه...
لو كنت انسيتيه...

قال علي حسب وداد قلبي..
واه يا اسمراني اللون..
والهوى هوايا وعدويه..
وتحت الشجر...
وعدي النهار...
وكلام كتير للخال...
عن الحب وحكاويه..

ولا بليغ حمدي والحانه وجمالها..
وقد ايه مليانه احساس وحب..
اللي باين ومداريه..

بليغ سوهاجي والابنودي قناوي..
يعني اصل الصعيد...
يا بتوع بحري يا مسهوكين...
يعني ألحان وكلام حب وغزل..
بيتغني بيها لحد دلوقتي المغرمين...

عارفه يعني ايه؟؟
تبقى مراة واحد صعيدي..
يعني تبقى ملكه متوجه..
تأمر تطاع..
يعني قلب يخاف عليك...
م الهوا ومن حبة صداع..
الصعيدى يعني راجل بجد..
مش واحد من الانطاع..

طب قوليلي.. انت عارفه..
يعني ايه كلمة بحبك؟؟؟
يعني ايه كلمة بحبك؟؟؟
تعالى اقولك...

كلمة بحبك..
يعني اجيبلك نجم السما..
لو قلت هاته..
يعني قلبي يبقى ليك..
وتبقى انت كل احكياته..

كلمة بحبك..
يعني تبقى مزعلاني..
واقولك حقك عليا...
يعني ضحكه من عيونك..
تبقى عيد بالنسبه ليا..

كلمة بحبك..
يعني حبنا احنا الصعايده..
حب دين..
يعني حب سيدنا النبي..
لما قال لام سلمه..
لا تؤذيني في عائشة..
شفت خوف المحبين...

يعني حب سيدنا النبي لخديجة..
لما شاف عقدها..
عينه غرقت بالدموع..
شفت حب..
خير المرسلين...

ايش وراكم انتو في الحب..
يا بتوع بحري يا مخنفسين..

حب الصعيدى..
نابع من القلب...
مش دباديب وقلوب..
ورسايل واتس آب..

حب الصعيدى..
صدق..
مفيهوش ولا حرف كدب..

    ...... تحياتي

                   النميرى نافع