بقلم الشاعر... أسامة جديانه... ياللي همسك حكايا...

ياللى همسك حكايا
بسرح معاه ف سمايا
الكلمه فيها فرحه
في ليلي بتكون غنايا
بسمة عيونك طارحه
ع الخد وردايا
العقول بيها سارحه
بخيال ماله نهايا
وسهام الرموش جارحه
وهمسك هو دوايا
الهمسه فيها واضحه
فيها سعدي وهنايا
وعيون صافيه مسامحه
بتنادي ياهوايا
وألبي بدون مصافحه
النظره منك كفايا
هكتب لك ألف صفحه
ف القلب بين الحنايا
ورساله م القلب شارحه
مع عصفور الكناريا
ياللى كلامك فرحه
في ليلي بتكون غنايا
                ( أسامه جديانه)