عبد التواب الجارحي يكتب.....

فى قلبى حاجات كتير
مش عارف اقولك إيه
مش عارف اخبى وأسكت
ولا أحكى وأقول عليها
لو نجمة فى السماء
من فضلك انزالى
لو قمر على التوالى
بدونك قلبى خالى
وبقولك ارحمى
وبصى للحياة ياحياتى بشكل تانى
مش ممكن أكون بحبك
واوصف قلبك لنفسى
غير لما تستحقى أنتى فعلا ملاكى
بتخيل فى السماء
أن النجوم بتهاتف وتقولك أنسى إللى فات
خليكى مع الحقيقة ونعيد الذكريات
بس بطريقتي انا
انا قلبى حبك بصدق ونفسى تفهمى
إن أنتى أحلا شئ عايش جوايا انا
وبقولها بكل صدق أنتى لوحدك حياتى
ومفيش بديل لروحى ألا غيرك حياتى
اختارتك تبقى شمعه
تضيئ سنين حياتى
واتحمل الهواء
وافديكى بقلبى انا
الحب مش كلام 
ولا شعر فى لحظة هواء
الحب يعني أحبك واحميكى من المتاعب
لو حتى شوفت ظلم يهون عشانك حياتى
والنظره مش بالعنين مدام القلب عايش
هتكونى نن عينى وصبرى على السنين
وأنسى الماضى إللى قبلك
عشان أنتى شكل تانى
أنتى عمرى الجميل يا أحلا من حياتى
بخاف أكون غلطان تنزل دموع عنيكى
أغرق فى بحر نار ولا أشوف دموع حياتى
العمر مش نهار ولا ليل بينطوى
 العمر أنى أكمل واشوفك تفرحى
وترسمى السعادة على قلبى من بعيد
واشوفك أحلا واحده على قلبى يا اغلا شئ
على قلبى يا كل شئ

# بقلمى -- عبدالتواب -- الجارحى
# فى قلبى حاجات كتير