الشاعر/ طارق على حسن ...يكتب ../من تانى ..//

من تاني
راجع تقول كلام وحديت
من تاني
بتضغط بتدوس علي جرح السنين
نغمة نشاز
 علي عود مشلول
 غدرك دخان
 لسة ريحته في المكان
 وعلي ملامحي علامات وأمارات مرسوم
 جاي تشوه موال الصبر  اللي إتولد
 بعد رحيلك من سنين
فاكر ولا نسيت
 هنت عليك
وإنت
  أبدا  لم تهون
 إنت بالنسبة لي
غير موجود
ومن الوجود معدوم
راجع تاني
 تجرح بالدمع عينيه
  جاي
  تقول   مظلوم
وبكلام مكذوب معسول
تحيي جرح تحت الرماد كان مدفون
جاي وشايل في عيونك حبة دموع
 وعلي شفايفك حروف لابسة حداد مكشوف
 جاي
 تتأسف وزي الديب
 تبعث في القلب الميت عذاب الروح
لعبتك من زمان
الغدر و قتل القلوب
 وصرخة
في الفضاء ودفن بدون مشيعين
  وصوت كريه
يخرج من ديب
يقول وحدوه
طارق