الشاعر/ رمضان عبدالله أحمد ...يكتب ...غير الحكاوى...

غير الحكاوي
عيني على العشاق
لما تعاندهم الدنيا
بيكون المرار ترياق
 ويعيشوا حياه تانيه

على الناي بقول انات
وبعزف الحانى انين
حياتي أصعب نغمات
م البعد ومن الحنين

عجيبة حياتي في الحب
فراق منتهى  الصعب
حبيبي دايما يلاوعني
مش عامل حساب للقلب

وأنا قاعد  مع  النجوم
وسهران  دايما  ليك
قلبي مليان هموم
وبرضو مستنيك

ببالى انت على طول
وياما حكيت وهاقول
على هوانا وحبنا
والعزف على ارغول

عشت معاه اجمل ايام
ليالينا كانت احلى غرام
حكايتنا غير الحكاوي
بنشوفها  فى الاحلام

روحت لحبيبي ف يوم
قولت انه مستنيني
اتاريني كنت ف نوم
ولقيته بيصحيني

رعاه في الود  قلبي
وقلبه ماكنش معايا
وحاولت اداري غلبي
مانستش ايام هنايا

رحبت بحبيب عمري
وقولتله ان انت نصيبي
مانابني منه الا سهري
عمره ماقالى انت حبيبي

راسلته وكتبت جواب
لا سألني ولاحتى اجاب
عنيد وتعب لي قلبي
وقابلته مالقيت ترحاب

رسمتله  فى يوم  صوره
وقولت هيفرح قوى بيها
قابلني هو بتكشيره
وخاصمني من يومها عليها

مشيت وسايبني وحيد
بعاني من قلب حزين
ليلي بأقضيه تنهيد
وساعات دموع وانين

راح اقوله اني حبيتك
وليلي ونهاري معاك
بصيت  لعيونك قريتك
وابدا عمري ماانساك
      -----------
بقلمي/ رمضان عبد الله أحمد