الشاعر/طارق على حسن ... يكتب ...قرب قرب ..

قرب قرب
شوف واتفرج
مهرج بهلوان
 وشه ألوان ألوان
 راسم الضحكة علي وشه
بفرشاه شقية
ولابس مرقعات
  وحذائه الضخم طويل
 اللسان طول الأيام
 زي الإنسان
يتنطط يتشقلب
زي حال الزمان
الكل يشوفه وعلي حركاته يضحك
لكنه إنسان جواه
زلزال وبركان  أحزان
اخر ليله
ينطفي من السيرك نوره
يخلع ملابسه
يشيل ألوانه
من فوق وشه
يحضن وحدته
  وذكرياته في قلبه
  اتولد مهرج
ضحكته دمعة
يصنع البسمة
علي وشوش الناس
وهو بسمته نسياه
طارق