الأستاذ... صبري حسين... يكتب... بناقص منها علاقة...

(بناقص منها علاقة) كلمات/صبري حسين
اللي مستخبي بان
َخسرت اارهان
فعلا  الصداقة والأخوة كانت زمان
لما كان في انسان
زمان أيوة زمان
عاىز ترجع اللي كان
قول للزمان ارجع يا زمان
الكل على الشط واقف عطشان
جفت كل أنهار الحنان
تايه بيدور علي العنوان
الكل فاكر  بيضحك على غيره
لكنه في الحقيقة بيضحك على نفسه
يا ميت ندامة
علي الاخوة
يا مليون خسارة على الصداقة
كل اللي بينا مجرد علاقة
حاجة هامشية
موجود اهو  بنتكلم
غبت ولا حد يهتم
لله الامر
بقينا زي ماقالوا في الامثال
احمد زي الحج احمد
طول ما العين شيفاك
كل الناس فاكراك
غبت عن العين
ولا حد يقولك انت فين
آه يا مليون خساره
ملعونة دي علاقة
بناقص منها
الله الغني عنها
اللي مايفتقدني
ويحس بغيابي
يبقى عمره ما حس بقربي
وجودي وغيابي عنده واحد
أن غاب واحد في غيره الف واحد
دايما براهن على الخسران
للأسف اغلب العلاقة
سؤال بسؤال
صباح الخير
صباح النور
ازيك كيف الاحوال
كله تمام التمام
كل العلاقة مجرد كلام
لا صدق ولا اهتمام
كله كلام في كلام
علاقة كلها هوان في هوان
لاتعرف ود ولا عرفان
علاقة مانجني من وراها غير الخسران
خد قرارك بشجاعة
قول بناقص منها علاقة
كفاية هوان
صبري حسين