الاستاذ....جمال زكي عينر... يكتب.. الربيع..

( الربيع ) :

آدى الربيع عاد من تانى
وعاد معاه احلى زمانى
فريد بيعزف على عوده
وحليم يغنى لأشجانى
والسندريللا الدنيا ربيع
والجو ف أحسن أحواله
حكينا تانى كل المواضيع
والليل وسهره ومواله
وصحبه حلوه وشط النيل
وفلوكه ركبنا تفسحنا
نقول نغني ف لحن جميل
مغنى كلامه يريحنا
يعدي نهارنا وييجى الليل
ونفترق كده على ذكرى
تروح الصحبه ف جو عليل
مش عارفه امتى حيبجى بكره
وآدى الربيع راح من تانى
وخد معاه احلى زمانى
يا هل ترى راح ييجي ويعود ؟
ولا خلص ومفيش تانى ؟

        بقلمي الشاعر جمال زكي عينر