الأستاذ.. .السيد فريج... يكتب...بكائيات...

بكائيات
السيد فريج
٠٠٠٠٠٠٠٠٠٠٠٠
هييه !!!
كَبرِتْ بلادنا
وإتْقَسِمِّتْ …
كِتير معانا
واقفين ورانا
ودُول رمونا
مَبَقوش معانا
و حتى آنا …
مبقيتش آنا
ولا لِسَّه شايفْ
قدامْ  ورانا
والِّلى ورانا
لفّْ وِ جَانا
والِّلى معانا
كمانْ نَسَانا
والِّلى حِداهم
خَلُّوهْ حِدَانا
وقالوا لنا شيلوا
مشالوش معانا !!
هُمَّا فى طوكيو
وإحنا فى غانا
وإذا قُلنا كانا
قالوا كَفانَا
إنْ  إنتَ يانا
عايشْ مِعَانا
يبقَى آنا …
مِشْ برضُو آنا
ولادول مِعانا
هُمَّا فى طوكيو
وإحنا فى غانا !!!