الشاعر/النميرى نافع ...يكتب ...نفسى ..

السلام عليكم ورحمة الله وبركاته..
... نفسى ...

نفسى فى حتة...
جبنه قديمه...
وصحنين نابت..
نفسى فى حبة...
نيه سليمه...
ووشوش غابت..
نفسي اشوف أحلامي ف بكره..
نفسى اشوف اولادي بخير..
نفسي في حبة...
فول مدمس..
نفسى فى حبة...
مرده اغمس..
نفسي في حبة..
سلطه خضاره...
وحبة ميه م الحضاره..
نفسي تعود ايام الخير...

نفسي اشوف..
وطنا العربي..
سايح على بعضه..
مفيهشي حدود..
نفسي اخش بلاد أوطاني..
من غير فيزا ولا عقود..

نفسي اصحى الصبح...
ألم الشنطه..
واروح اعمل عمره...
مش يقولولي..
استنى الدور...
نفسي اخويا العربي يشفني..
ياخدني ف حضنه...
مش يسألني ع الباسبور..
نفسي اشوف وطنا العربي..
كله بخير..

نفسي ادوب في ليالي البصرة..
نفسي اتوه في دروب بغداد...
نفسي يعود يمنا مناره...
نفسي ترجع سوريا جميله...
نفسي تزول كل الأحقاد...

نفسي اشوف سودانا موحد...
نفسي تونس ترجع خضرا..
نفسي ادوق تفاح لبنان..
نفسي يعود جزائرنا الأقوى...
نفسي أزور صاحبي في عمان..

نفسي اروح لاخواني ف ليبيا...
تاني يوم تلاقيني ف المغرب...
واعدي برضو ع البحرين..
تالت يوم تلاقيني في ابو ظبي..
رابع يوم تلاقيني في الدوحه..
واعدي برضو ع السالميه...
خامس يوم تلاقيني ف جيبوتي...
سادس يوم تلاقيني في عمان..
سابع يوم أزور مقديشو..
آخر يوم تلاقيني ف أسوان...
نفسي الاقي وطنا أمان...

نفسي تعود قدسنا حره...
نفسي تعود يا صلاح الدين..
نفسي أزور انا قبر الدره..
نفسي اشوف غصن الزيتون..
نفسي أزور أهالينا في غزه..
نفسي تعودي يا فلسطين..

نفسي الاقي سماك يا بلدى...
ما فيها غيوم..
نفسي غنيك يدى فقيرك...
نفسي فقيرك يدوق خيرك...
مش على طول فى عذاب وهموم..
نفسي اروح واجي براحتي...
من أسوان للسلوم...

نفسي يا بلدى تردي عافيتك...
نفسي يا بلدى يغور عفريتك..
نفسي تدوسي ع السجان..
نفسي يعود فيك الإنسان..
مرفوع الرأس في كل مكان...

        ..... تحياتي

                     النميرى نافع