الشاعر/جمال زكى عينر ...يكتب ...//بتهلى عليا كما النسمه //

( بتهلي عليا كما النسمه ) :

بتهلي عليا كما النسمه
ويادوبك ترمي يادوب بسمه
وف ثانيه تروحي ولا تجيشي
واعيش انا مع نفسي ف ازمه

بتهلي عليا يا قمرايه
وتقولى شويه كده وجايه
وافضل على املي ومستنى
وانا عارف إنك مش جايه

بتهلي وف اجمل صوره
مانا عارفك حلوه وأموره
مش معنى انك حلوه ياحلوه
تتقلي وتعاندي يا مغروره

مش عايزك تيجي ولا تهلي
طول ما انتي كدابه تملي
انا عايزك تسيبيني ف حالي
لا تبصي عليا ولا تطلي

لا منك في الحب بتدي
ويايا ولا حتى بتاخدي
وانا حبي عمره ما حيكون
لحبيب مش باقي على ودي

      بقلمي الشاعر جمال زكي عينر