الشاعرة/بنت الريف ...تكتب ...أمى ...

.... أمي ....
راح القلب الحنين
راح الصدر الحنون
يايتم المحرومين
روحتي ياشايله همي
روحتي ياإللي بتطبطي وتضمي
بعدك انا ليا مين
هونت عليكي تمشي
أنا من غيرك منامشي
ليه خلفتي وعدك دا وعد الحر دين
لا لا زعلانه منك
وكمان انا شايلة منك
إنتي عشانك إنتي
إتحملت غلب السنين
طيب وحياتك عندي
إزاي انا أصبر نفسي
وأنا مش عارفه شمالي م اليمين
كانت لما تضيق بيا
غمضة عين والا ثانيه
عارفة حسك ف الدنيا
 هتضميني بالإيدين
هى كدا الحياه
إبتسامه وآآآآه
لكن فراقك إنتي مكتوب على الجبين
لله هأسلم أمري
واضمك في حضني وأسمي
وأدعيلك وأنا بأصلي بكل الحنين
مع السلامة يا أمي
بجسمك بعدتي عني
بروحك هتواسيني يانن العيون
اما دي كانت خضة
صعبة عليا يا خضرة
وفجأة صحيت من نومي
لقيتني كنت نايمة
وروحي كانت هايمة
أحلامي لقيتها ضايعه
وكترت همومي
حمدت ربي بسرعة
وسجدت وجسمي ولعة
مايجعل يومك قبل يومي
طول العمر يديكي
وبعمرى كله افديكي
ورنةتلفون على امي سلمولي
يجي الشيطان يوسوس
مسيرك  هتفارقي
أحيوني النهاردة وبكرة موتوني
دي أمي حبيبتي
الود دي
صبح ومسا في عيوني
وإوعو تلوموني
إللي مالوش حبيب
يقضي عمره غريب
 ست الحبايب
أغلى م الدهب واللولي
لبنت الريف