الشاعر/النميرى نافع ....يكتب ...من غير صحاب ..

السلام عليكم ورحمة الله وبركاته...
... من غير صحاب...

مين اللي قال...
من غير صحاب اشيك..
يا توتو منك ليه؟؟
دا الصاحب الجدع رزق...
وربنا رزقك بيه...

دا متعه من متع الحياه..
إنه يكون معاك صاحب جدع...
في الأفراح يكون ف ضهرك..
وفي الأحزان يشيل عنك وجع..

فين الشياكه؟؟
لما تكون ماشي ف الطريق وحدك..
مفيش صاحب تسند عليه...
مفيش قلب يخاف عليك لما تقع...

ازاي تعيش حياتك من غير صحاب يا فقري!!
وتقول كده اشيك...
يا أخا جاك سقطري...

طب انت عارف..
يعني ايه صاحب جدع ؟؟
يعني قلب يحس بيك...
من غير ما تنطق بكلمه...
يعني اول قلب وعقل..
يكون معاك لما تقع ف ازمه...

وتقولي من غير صحاب اشيك...
ااااه يا جزمه...

عارف يعني ايه صاحب جدع؟؟
يعني الأمان لما الدنيا تميل عليك..
يعني اول حد يكون ف ضهرك..
لما الكل يكون عليك...

وتقولي من غير صحاب اشيك...
اخييييييه عليك..

عارف يعني ايه صاحب جدع؟؟
يعني النصيحه لما يشوفك...
رايح للغلط...
يعني الألم والحزن..
لما يشوف جملك فرط..
يعني اللي يخاف عليك بجد..
من غير مايبلعلك زلط..

صاحب جدع..
يعني الإيمان بصاحبه...
ولو كل البشر قالت غل..
صاحب جدع..
لما قالوله إن صاحبك بيقول كذا ويقول كذا..
قالهم.. لو قال كده..
يبقى صدق..

عارف يعني ايه صاحب جدع؟؟
يعني دعاء لا ينقطع في الحياة وبعد الممات..

يعني الله يرحمك يا صاحبي..
لما تخطر ببالك بعض الذكريات...

وفي الاخر...
أنا حظي م الصحاب وافر...
اكتر من الكل..
بيض وسمر...
عناقيد قرنفل كتيييييير...
والاكتر عناقيد فل...

...... تحياتي
                   النميرى نافع