كان باب مفتوح و الليل خايف
ينده ع الحلم اللي ف روحي
قام مد ايديه ما اعرف على ايه
فنزيف القلب ملا جروحي
خبيت الآه و فضلت معاه
مش قادر اقول اني باحبك
غرقان ف سكوت يشبه للموت
و اشتقت انا فيه اسمع قلبك
ركزت كتير من غير تعابير
على وشي تبان او تفضحني
ما اعرفس ازاي حسيت الجاي
رغم اللي قاسيته هيفرحني
و بلا استئذان قفلت بيبان
و اويت طمعان لمكان نومي
حسيت بهدوء بيلاغي الشوق
و بيوعد ما يسيبني ف يومي
فجأة اتهزيت و لوحدي بكيت
اتاريه كان حلم و مش طيب
فصحيت مفزوع علشان ممنوع
يبقى اللي بعيد عني قريب
#فهمي_علي