......... صعب عليا أودعك .............
--------------------------------------------

ما شفتش حياتي إلا بعينيه
ومعرفتش  معناها  إلا معاه
ما حستش حياتي إلا بإيديه
وعشت  عمري  كله  أهواه
انام  وأصحي   أحلم   بيه
والطير  يتجمع  علي  نداه
والورود تفتح من سحر عينيه
والأغصان تتمايل مع هواه
والقمر ما ينورش إلا ف لياليه
والكروان ما يطربش إلا بدعاه
حبيبي الغالي حياتي كلها ليه
ومستحيل في أي ثانيه أنساه
ولما  راحوا    يحتالوا   عليه
لقاني   جنبه   بقابله    والقاه
الحب دايما ما يعرفش فروق
وإحساس القلوب نبض متبادل
ومشاعر الأحبة تلهلب الشوق
والحب ف مشاعره دايما  عادل
المشاعر تقتحم قلوب  الملوك
وما يفرقش معاها لوم العوازل
صعب عليا  أواجهك  وأودعك
طول   عمري  عايش   بتمناك
وألقا عيونك في عينيا وأسمعك
واللي نداني  ليك  رقة  هواك
مستحيل أبيعك أو يوم أخدعك
انا  إللي  طول  عمري  أهواك
بإحساسي  ومشاعري  أمنعك
تاخد  قرار  يكون فيه   فراق
إنتي  الأميرة   جوايا  أسيرة
وعمري  وحياتي  كلهم  فداك

-------------------------------------------------------
................... حسن الشوان ......................