داير بدور فى الزحام
على ضحكة كانت صاحبتى
كانت تجينى ف كل يوم
ترسم ملامح خطوتى
سابت وراها الذكريات
مع كام ملامة ف سكتى
و لا راح ترجعها الدموع
و لا حتى نوحى و صرختى
*******
داير بدور ف الوشوش
على قلب يسمع شكوتى
على قلب يسقينى الأمان
و ينادى فرحى و بسمتى
و تلالى من تانى النجوم
و الليل يودع عتمتى
*******
داير بدور ، بس فين
راح الاقى صوتى و ضحكتى
د الفرح غايب من سنين
و لا عادش فيه غير دمعتى
أنا قلبى خايف م الزمان
لتتوه ملامح فرحتى
و الحزن يسقينى الهوان
و الآهه تكتب قصتى
(احمدسيداحمد)
ليست هناك تعليقات:
إرسال تعليق