ماتت الجدة بس ارتاحت. تعبت والله وعظمها داب... أجمل لحظة لما تشوفك. الوجه يرجع كأنه شباب... نهر بينبع منه حنان. وتقولك اهلآ بااعز الاحباب.. وضمك ضمة تحس بشوقها. بطول ليه ياضنيأ الغياب... كنت بتاجى مالك يا واد. قطعت ليه بدون أسباب.. وآلله هموم الدنيا يا جدة. لساك بكأش لساك كداب... عجناك يا واد خبزاك ياواد. من امتى بتعمل لدنيا حساب.. وآلله همومها يا جدة ثقيلة. اه لما تكشر بالانياب. .. انا ماشى يا جدة بكوم علاج. علاج لضغط والشرايين والأعصاب.. ايه يا جدة بقية بخيله. ولامفيش سكر فين العناب.. والله يا ولدى زعلت عليك. وفرحت بريحة الاحباب... بس رايتها والله فى عينيك. من اول مافتحت ليك الباب.. واحنا إللى بنقول اتعذبنا. وعشنا ايام مرار وعذاب.... ايامكم زفت وقطران. فى الثلاثين عز الشباب .. وشعرك وقع والباقى بياض. انا شعرى اسود لسه ما شاب... فاكرة يا جدة حكاوى زمان. لساك فاكر ياواد يا حمام... والله فاكرها ونفسى اسمعها. كنتى بتحكى لحد ما انام..... وقتها كنتم ياولدى اصغار. بنضحك عليكم با اى كلام. .. فاكرة الغولة والشاطر حسن. وصاحب الااربع أكوام.......... احكى ليا ذى زمان. اتارى كلامك كان تاريخ... ضحكت وبضحكة جميلة. كنت شابعنى يا واد توبيخ... كل العيال تسمع وتسكت. وانت تقول الجدة بتقول تخاريف.. اعمل ليك ياغالى العناب واحكى ليك الكلبة والرغيف... ياجدة هو انا كنت غريب. ولا كنت عندك ضيف... انا جاى أسمع حكايات. انا متفرغ ليكى اليوم... الاذن تسمع والمخ يسجل. لغاية عنيكى مايغلبها النوم..... ابدئى من كبير التجار. إللى كان بيبع الهواء.. وحكى ليا عن الزبائن. إللى بتاخد منه على انه دواء .. لسه فاكر يا واد يا مكار. كنت تقول على الجدة كدابة... كنت صغير مش فاهم حاجة. اعتبريها كدبة ابريل وكدبة بابة..... كنت بتضحك لما أقولك. شاط فى العارضة وقال فى الجون. .. وليه جمهور بيصفق ليه. ويقول هو المنقذ وهو العون.... سماحة نية وطيبة قلب. وزاى العقل يصبح قفل... وجمهور يشجع وينصر ظالم. كانت براءة فى قلب طفل..... وزاى يشوط معاكس للمرمه. أنا أعرف لاعب مش فى الفرمة.. وكمان يجيبو الحق على الكورة. أنها عملت فى الهواء برمة.... وجمهور يصفق وجمهور يطبل. كان جمهور بياكل ضرمة... مش قولك يا جدة الايد تمتد. . على راجل متمتدش على حرمة... زرع أخضر بقلب ابيض. وكبرت وكبر بياع الهواء.. وبقى مسئول وهو هو. ذى ما هو مسئول الدواء... والزبائن هى هى متغيرتش. منع الماء ومنع الفول.. وقال انا الحاكم هنا على طول... مات الضمير جو البشر. وماتت الجدة وبقية الحكايات.. وكبر الصغير وعقل الكلام. بس يخسارة الوقت فات.. . »«««»»»»»»»»»»»»»»»»»»»»» (ماتت الجدة. بقلم أبو حمزة رشوان
ليست هناك تعليقات:
إرسال تعليق